معروف ڈرامہ نویس، مصنفہ اور مکالمہ نگار حسینہ معین کی وفات نے جو خلا پیدا کیا ہے اسے پُر کرنا مشکل ہے، 79 برس کی عمر میں حرکت قلب بند ہونے سے انتقال کرنے والی حسینہ معین نے ایک انٹرویو میں اپنی شادی نہ کرنے کی وجہ بتائی تھی۔معروف ادکارہ حسینہ معین نے کچھ برس قبل سینئر اداکارہ ثمینہ پیرزادہ کے ویب انٹرویو میں بطور مہمان شریک ہوئیں جہاں انہوں نے زندگی کے نشیب و فراز کے حوالے سے بات چیت کی اور ڈراموں میں اچانک تبدیلی کے حوالے سے اظہار خیال کیا۔میزبان ثمینہ پیرزادہ کے شادی کے حوالے سے سوال کہ زندگی تنہا گزار دی، کبھی شادی کا خیال کیوں نہ آیا کے جواب میں انہوں نے کہا کہ یہ پریشانی میری اماں کو بھی لاحق رہتی تھی۔حسینہ معین نے اپنی بات جاری رکھتے ہوئے کہا کہ ’مجھے لگتا ہے کہ میں شادی کے لیے نہیں بنی، خدا نے سب کا جوڑ بنایا، مگر میرا جوڑ شاید کہیں کھو گیا ہے اس لیے میں نے شادی نہیں کی۔شادی نہ کرنے پر افسوس کے حوالے سے سوال کا جواب دیتے ہوئے حسینہ معین نے کہا کہ انہیں شادی نہ کرنے کا کوئی ملال نہیں۔ہنس مُکھ مزاج رکھنے والی حسینہ معین نے ساتھ ہی یہ بھی کہا کہ ’رات میں اکثر جب مجھے کہیں جانا ہو اور ڈرائیور نہ ہو تو مجھے احساس ہوتا ہے کہ ابھی کوئی ہوتا تو مجھے یہ پریشانی نہ ہوتی۔
