جنگ گروپ کے سینئر صحافی حنیف خالد کو اُنکی صحافتی خدمات کے اعتراف اور اُنکی کتاب ’’نصف صدی کا صحافتی سفر‘‘ پر ایوان تجارت و صنعت اسلام آباد نے30اکتوبر کی شام ’’آل ٹائم اچیومنٹ ایوارڈ‘‘ دینے کا فیصلہ کیا ہے۔ یہ فیصلہ چیمبر کے صدر احسن ظفر بختاوری‘ سینئر نائب صدر فاد وحید‘ نائب صدر انجینئر اظہار الاسلام ظفر اور چیمبر کی ایگزیکٹو کمیٹی کے اراکین نے ایک مشترکہ اجلاس میں متفقہ طور پر کیا۔ چیمبر کے آڈیٹوریم میں شام3بجے منعقد ہونیوالی خصوصی تقریب کے مہمان خصوصی وفاقی وزیر اطلاعات و نشریات مرتضیٰ سولنگی ہونگے جبکہ تقریب کی صدارت گورنر سندھ کامران ٹیسوری کرینگے۔ پاکستان الیکٹرانک میڈیا ریگولیٹری اتھارٹی (پیمرا) کے چیئرمین محمد سلیم بیگ کو بھی خصوصی طور پر مدعو کیا گیا ہے۔ اس تقریب میں وفاقی دارالحکومت کے جڑواں شہروں کے صنعتکار، بزنس مین، تاجر حضرات بڑی تعداد میں شرکت کرینگے۔
