گٹکا،ماوا بیچنے والا جعلی صحافی پکڑا گیا۔۔

کراچی کے علاقے تھانہ زمان ٹاؤن پولیس نے کورنگی کے علاقے سیکٹر پچاس اے کے ایک گھر پر چھاپہ مار کر گٹکا اور ماوا بنانے والے ملزم کاشف اور اس کی سرپرستی کرنے والے جعلی صحافی محمد ناصر ولد رشید الدین قریشی کو بھی گرفتار کرلیا۔۔ پولیس کے مطابق چھاپہ مخبر خاص کی اطلاع پر مارا گیا۔۔جہاں ملزمان کے قبضے سے ایک پیکنگ مشین،  چار کلو چھالیہ، تین کلو ماوا، پیکنگ بیگ، چار کلو سفید پاؤڈر، دو کلو تمباکو، پینتالیس تیار مارا پیکٹ بھی برآمد ہوئے۔۔ پولیس کا کہنا ہے کہ دوران تفتیش پتہ لگا کہ ماوا بنانے والے ملزم کاشف کی پشت پناہی جعلی صحافی محمد ناصر کرتا ہے، جس نے اپنے آپ کرائم نیوزپیپرکانمائندہ ظاہر کیااورانوسٹیگیشن آفیسر پر دباو ڈالنے کی ناکام کوشش کی، تحقیقات کے دوران پریس کارڈ کی ایکسپائری ڈیٹ پر شک ہوا جو کہ ختم ہو چکی تھی۔۔معلومات کرانے پر ملزم ناصر جعلی صحافی ثابت ہوا جس پر اسے بھی گرفتار کرکے مقدمہ درج کرلیاگیا۔۔