اسلام آباد ہائیکورٹ نے سوشل میڈیا پر گستاخانہ مواد کی تشہیر کا معاملہ او آئی سی کے اجلاس میں اٹھانے کے حوالے سے دائرکی گئی درخواست پر محفوظ کیا گیا فیصلہ جاری کرتے ہوئے معاملہ جائزہ لینے کے لیے حکومت کو بھجوادیاہے ،جسٹس محسن اختر کیانی پرمشتمل سنگل بنچ کی جانب سے ہفتہ کے روزجاری دو صفحات کے فیصلے میں آئینی درخواست کو سیکرٹری خارجہ و داخلہ اور وفاقی سیکرٹری آئی ٹی کو بھیجتے ہوئے ہدایت کی ہے کہ وہ اس معاملے پر غور کریں۔یاد رہے کہ درخواست گزار نے عدالت سے وفاقی حکومت کو سوشل میڈیا پر گستاخانہ مواد کی تشہیر کا معاملہ اعلی عدلیہ کے احکامات کی روشنی میں 22مارچ کو ہونے والے او آئی سی کے اجلاس میں اٹھانے کا حکم جاری کرنے کی استدعا کی تھی۔
Facebook Comments
