گلوکار ورث بیگ نے بتایا ہے کہ انھوں نے تحریک انصاف کے ناراض رہنما اور سما ٹی وی کے مالک علیم خاں کی نواز شریف سے ملاقات کرانے میں اہم کردار ادا کیا۔خیال کیا جاتاہے کہ وارث بیگ نے علیم خان کی پنجاب مسلم لیگ ن کے دو سینئر رہنماؤں کی ملاقات کرائی جس کے بعد علیم خاں لندن گئے جہاں نواز شریف سے ان کی تفصیلی ملاقات ہوئی۔مسلم لیگ ن فیصل آباد کے رہنما شیخ محمد یوسف بیگ کےساتھ میڈیا سے باتیں کرتے ہوئے انھوں نے کہا کہ نواز شریف 28مئی 1998 کوچاغی لے گئے تھے جہاں انھوں نے ایٹمی دھماکے کے بعد ایک ملی نغمہ گایا تھا۔انھوں نے کہا کہ اس وقت میں نے حب الوطنی کاجو جذبہ دیکھا اس سے پہلے کبھی نہیں دیکھا تھا۔
Facebook Comments
