پاکستان کے معروف گلوکار اور جنون بینڈ کے بانی سلمان احمد کا کہنا ہے کہ وہ 18 اپریل کو انشااللّہ کورونا وائرس کو شکست دینے میں کامیاب ہوجائیں گے۔ گزشتہ روز پاکستان کے نامور گلوکار اور جنون بینڈ کے بانی سلمان احمد نے مائیکرو بلاگنگ سائٹ ٹوئٹر پر اپنا ایک ویڈیو پیغام جاری کیا جس میں وہ اپنے مداحوں کو اپنی صورتحال اور نیو یارک کی موجود صورتحال سے آگاہ کر رہے ہیں۔گلوکار سلمان احمد کی طبیعت سنبھلنے لگی، کچھ روز پہلے سلمان احمد کا کورونا وائرس ٹیسٹ مثبت آیا تھا، طبیعت خراب ہونے پر انہوں نے ٹیسٹ کروایا تھا۔ سلمان احمد کے مطابق انکے پیاروں اور مداحوں کی دعاؤں نے اپنا اثر دکھایا اور اللہ کے فضل سے کافی بہتر محسوس کرنے لگا ہوں، سلمان احمد نے بتایا کہ گھر میں بیٹھنا خاصا مشکل کام ہے مگر وقت کی ضرورت ہے کہ ہم گھر میں خود کو محفوظ رکھیں، انہوں نے کہا گھر میں رہ کر ورزش کی ، کھجور، شہد، انجیر اور دار چینی کا استعمال کیا۔سلمان احمد نے نیو یارک کے حالات بتاتے ہوئے کہا کہ ’میرے اردگرد نیو یارک میں جو حالات ہیں وہ بہت بُرے ہیں، روزانہ حد سے زیادہ کورونا کے کیسز سامنے آرہے ہیں اور لا تعداد کورونا وائرس کے مریضوں کی اموات ہو رہی ہیں۔۔گلوکار نے کہا کہ ’نیو یارک کے حالات دیکھ کر ایسا لگتا ہے کہ جیسے قیامت کا منظر ہو، یہاں سڑکیں ویران ہیں، یہ سب دیکھ کر اپنا وطن پاکستان بہت یاد آتا ہے۔
