جیوکی پرانے نمبروں پر بحالی۔۔

جیو نیوز کو ایڈیٹر ان چیف میر شکیل الرحمٰن کی گرفتاری سے پہلے والی پوزیشن پر بحال کرنے کے اسلام آباد ہائی کورٹ کے حکم پر عملدرآمد کا آغاز ‘جیو نیوزپرانے نمبروں پر بحال ہونا شروع ‘جمعرات کو دیر گئے چینل کی نشریات دکھائی جانے لگی ہیں ۔بعض کیبل آپریٹرز نے تو جیو کو ان کے پرانے نمبرز پر منتقل کردیا تاہم پی ٹی سی ایل کے زیرانتظام نیٹ ورک پر جیو رات ساڑھے بارہ بجے بھی اپنے پرانے نمبر 3کی بجائے 109پر پوری شان و شوکت سے صاف نظر آ رہا تھا۔ بعض علاقوں سے جمعہ کی شب بھی جیو نیوز کی سابقہ نمبروں پر بحالی اور نشریات دکھائی نہ دینے کی شکایات بدستور موصول ہوتی رہیں۔چینل کی نشریات مکمل بحال ہونے کی صورت میں جوائنٹ ایکشن کمیٹی جیو چینل اسلام آباد کے باہر معمول کے مطابق دھرنا دے گی تاہم اگر ملک بھر میں جیو کی نشریات پرانے نمبروں پر نہ آنے کی شکایت ملی تو جائنٹ ایکشن کمیٹی کے کارکن جلوس کی شکل میں پیمرا ہیڈکوارٹرز کے باہر احتجاج‘ گھیرائو اور دھرنا دینے کیلئے پہنچ جائیں گے۔