معروف اداکارہ زرنش خان نے پاکستان کے معروف سینئر اداکار سے متعلق ایک پرانہ قصہ سنا دیا۔تفصیلا ت کے مطابق حال ہی میں سینئر اداکار فردوس جمال نے نجی ٹی وی کے پروگرام مین شرکت کی جس میں انہوں نے فلم سٹار ہمایوں سعید کے حوالے سے کہا کہ ان کی آواز اچھی نہیں نہ ہی کوئی باڈی لینگوئج ہے۔ فردوس جمال نے کئی معروف شوبز شخصیات کو انکی اداکاری کے حساب سے نمبر بھی دئیے۔سوشل میڈیا پر سینئر اداکار کے انٹرویو کہ کلپس وائرل ہوئے تو انہیں بھی صارفین سمیت معروف شوبز شخصیات نے تنقید کا نشانہ بنایا۔اداکارہ زرنش خان نے انسٹاگرام اسٹوری میں لکھا کہ “فردوس جمال ہمیشہ مجھے لوگوں سے متعلق اپنے خیالات اور مسائل کے باعث حیران کر دیتے ہیں”۔انہوں نے ماضی کا ایک واقعہ بیان کرتے ہوئے بتایا “ہم ایک مرتبہ کسی ڈرامے میں کام کر رہے تھے اور میں نے احترام میں کہا اسلام علیکم فردوس انکل، کیا حال ہیں آپ کے؟زرنش نے کہا کہ “انہیں یہ بات بری لگ گئی اور مجھے جواب دیا کہ بی بی میں شوبز میں اس لیے نہیں آیا کہ لوگ مجھے انکل بولیں، جس پر مجھے حیرانی ہوئی اور میں نے کہا ٹھیک ہے فردوس صاحب”۔اداکارہ نے لکھا”انسان کو ہمیشہ نرم مزاج رہ کر بات کرنی چاہیے”۔
