فواد چودھری میڈیا ہینڈلنگ سے ناخوش۔۔

وفاقی وزیر سائنس و ٹیکنالوجی فواد چوہدری نے کہا ہے کہ میڈیا پاکستان کا بہت بڑا اور اہم ادارہ ہے،میڈیا سے جو ہماری ڈیلنگ ہو رہی ہے اس سے خوش نہیں ہوں، جس طریقے سے میڈیا کو ڈیل کیا جا رہا ہے اس سے یہ تاثر بن رہا ہے کہ ہم کوئی اینٹی میڈیا ہیں اس تاثر کو زائل کرنے کی ضرورت ہے ،کورونا وائر س کا ہماری معیشت پر اثر آئے گا ،پاکستان پہلے ہی معاشی طور پر دبائو کا شکار ہے، اس سے مشکلات مزید بڑھیں گی، امریکہ میں پریس کانفرنس سے خطاب کرتے ہوئے کہا کہ یہ تاثرہر گز نہیں جانا چاہئے کہ پی ٹی آئی کی حکومت ہو یا کوئی بھی ہو اس دور میں میڈیا کی آواز کو کم کیا جائے اور خصوصی طور پر ہمارے جیسی پارٹی کیلئے جو آج اقتدار میں اگر ہے اس میں میڈیا کا بہت بڑا کردار ہے، اس وقت بریک ڈائون ہے میڈیا سے، کافی حد تک بڑے معاملات میں ہماری اچھی چیزیں بھی میڈیا پر نہیں آتیں ،اس کی وجہ ہمارا بڑا بریک ڈائون ہے اور میں اپنی میڈیا ٹیم سے خوش نہیں۔۔