فیس بک ملازمین کے لئے شہر آباد کرنے کا اعلان۔۔

دنیا کے امیر ترین شخص اور ٹیکنالوجی ماہر مارک زکربرگ نے اپنے فیس بک ملازمین کیلئے ایک نیا شہر آباد کرنے کا اعلان کیا ہے۔غیر ملکی میڈیا کے مطابق مارک زکربرگ کے ذہن میں کافی دیر سے یہ منصوبہ جنم لے رہا تھا، تاہم اب انہوں نے اس کو عملہ جامہ پہنانے کا فیصلہ کر لیا ہے۔ اب وہ اپنے فیس بک ملازمین کیلئے ایک ایسا نیا شہر تعمیر کرنے جا رہے ہیں جہاں ناصرف وہ رہائش اختیار کر سکیں گے بلکہ انھیں اس میں دنیا بھر کی سہولیات دی جائیں گی۔تاہم یہ خبریں بھی سننے میں آ رہی ہے کہ یہ گھر صرف ان ملازمین کو ہی دیئے جائیں گے جن پر لازم ہوگا کہ وہ فیس بک کی نوکری نہ چھوڑیں۔۔ خیال رہے کہ اس سے قبل مارک زکربرگ نے کئی برس قبل اپنے ملازمین کو یہ پیشکش بھی کی تھی کہ اگر وہ آفس سے قریب رہائش اختیار کریں تو انھیں زیادہ تنخواہ ادا کی جائے گی۔مارک زکربرگ یہ نیا شہر کیلیفورنیا میں تعمیر کرنے جا رہے ہیں، اس سلسلے میں انہوں نے 59 ایکڑ زمین خرید رکھی ہے۔فیس بک ملازمین کے اس شہر میں ہزاروں اپارٹمنٹس ہونگے، ان اپارٹمنٹس کو انتہائی مناسب قیمت میں ملازمین کو فراہم کیا جائے گا۔فیس بک شہر میں ہوٹل، کیفے، ریسٹورینٹس، ہسپتالوں، اور سپر مارکیٹس سمیت تمام ممکنہ سہولیات موجود ہونگی۔