الیکٹرانک میڈیا رپورٹرز ایسوسی ایشن (ایمرا) لاہور کے آج الیکشن ہیں جس میں دو گروپ پروفیشنل جرنلسٹ پینل اور ایمراپائینرز پینل آمنے سامنے ہوں گے۔۔ پروفیشنل جرنلسٹ پینل سے عابد خان برائے صدر، عامر سلامت سینئرنائب صدر، سجاد عبداللہ نائب صدر، شوکت علی سیکرٹری،جہانگیر سدھو ایڈیشنل سیکرٹری، افضال عباسی خزانچی، نوین علی جوائنٹ سیکرٹری جب کہ ایمرا پائینرز پینل کی جانب سے آصف بٹ برائے صدر،جواد ملک سینئر نائب صدر(بلامقابلہ منتخب )، ملک عرفان برائے نائب صدر، سلیم احمد شیخ ایڈیشنل سیکرٹری، نعمان شیخ جوائنٹ سیکرٹری، کنور عزیز بلامقابلہ منتخب، خواجہ قادرخزانچی،اور ارشد چودھری امیدوار ہیں۔۔دونوں گروپس کی جانب سے صحافیوں کی فلاح و بہبود اور حقوق کی جنگ جاری رکھنے کے اعلانات بھی سامنے آئے ہیں۔۔پپو نے انکشاف کیا ہے کہ ایمرا الیکشن میں 94 کے لگ بھگ ووٹ لسٹ میں شامل ہونے کے باوجود الیکشن کا حصہ نہیں ہوں گے. دنیا نیوز کی انتظامیہ نے اپنے ملازمین کو ایمرا الیکشن ست دور رہنے کی ہدایات دی ہیں. الیکشن کمپین میں بھی لاہور نیوز و دنیا نیوز کے کارکنان نے اسی لیے خاموشی اختیار کیے رکھی اور سوشل میڈیا سمیت کہیں کسی دوست کی کمپین نہیں چلائی. البتہ یہ بات سامنے آئی ہے کہ انتظامیہ سے بچتے ہوئے خفیہ طور پر دوستوں کے ووٹ کا کہا جاتا رہا۔۔
