الیکشن کوریج، غیرملکی صحافیوں کو اجازت نامے جاری۔۔

اگلے ماہ ہونے والے عام انتخابات کی کوریج  کیلئے غیر ملکی صحافیوں کو اجازت نامے جاری کر دیے گئے۔پہلے مرحلے میں 13 ممالک کے 49 صحافیوں کو الیکشن کوریج کے اجازت نامے دیے گئے ہیں جبکہ بقیہ غیرملکی صحافیوں کو پراسس مکمل ہونے پر اجازت نامے جاری کردیے جائیں گے۔چین، جاپان، امریکا، برطانیہ، کینیڈا، فرانس اور ہانگ کانگ کے صحافیوں کو اجازت نامے جاری کیے گئے ہیں۔اس کے علاو سربیا، سویڈن، جرمنی، آسٹریلیا، تھائی لینڈ اور سنگاپور کے صحافیوں کو بھی اجازت نامے جاری کیے گئے ہیں۔الیکشن کمیشن نے 2 لاکھ ایکریڈیشن کارڈز پرنٹ کیے ہیں، یورپی یونین اور کامن ویلتھ ممالک کے وفود بھی الیکشن کا مشاہدہ کرنے کے لیے آئیں گے۔عام انتخابات کے لیے تقریباً 136غیرملکی صحافیوں نے کوریج کے لیے درخواستیں دے رکھی ہیں۔