گلوکار علی ظفر نے سوشل میڈیا پر پہلی مرتبہ 2009ء میں اپنے اور اہلیہ کے اغواء کے واقعے کا انکشاف کر کے مداحوں کو حیرت میں ڈال دیا۔سوشل میڈیا پر گلوکار نے اپنے مداحوں کے ساتھ اپنے اور اہلیہ کے اغواء سے متعلق کچھ اہم معلومات اور ملک کے انصاف کے نظام کے بارے میں اپنا تجربہ بیان کرتے ہوئے کہا کہ انہیں تاحال انصاف نہیں مل سکا۔گلوکار نے انسٹاگرام پر لکھا، ’2009 میں مجھے اور عائشہ کو اغوا کیا گیا تھا۔ ہم بچ گئے اور ہم اس واقعے کے بارے میں بات نہیں کرتے۔ ہم دونوں تاحال اس صدمے میں ہیں۔ ہم نے ہرجانے کیلئے فائل کرنے کا فیصلہ کیا لیکن یہ دیکھتے ہوئے کہ نظام آپ کیلئے انصاف کی تلاش میں کتنا مشکل بناتا ہے۔انہوں نے مزید لکھا کہ میں نے یہ فیصلہ کیا ہے کہ لوگ خود اس بارے میں پڑھ سکیں۔ تقریباً 5 سال پہلے میں نے مناسب اور پیشہ ورانہ طریقہ استعمال کرتے ہوئے انصاف کے حصول اور ہرجانے کا دعویٰ کرنے کے لیے اپنے نظام انصاف کی طرف رجوع کیا۔تمام سالوں کے بعد سسٹم نے ہمیں سوالات پوچھنے اور تمام متعلقہ ثبوت عدالت میں پیش کرنے کی اجازت نہیں دی۔ کیوں؟علی ظفر نے سوشل میڈیاپر اپنے ساتھ ہونے اس واقعے کی دستاویز اور تفصیلات شیئر کرتے ہوئے عوام کو بتایا کہ مقبول شخص ہونے کے باوجود انہیں انصاف نہیں مل رہا۔
