شاہد مسعود سپریم کورٹ پہنچ گئے

معروف اینکر پرسن ڈاکٹرشاہدمسعودنے ہائیکورٹ کے فیصلے کیخلاف سپریم کورٹ سے رجوع کر لیا ہے ۔میڈیا رپورٹس کے مطابق درخواست گزار ڈاکٹر شاہد مسعود نے درخواست میں موقف اختیار کیا ہے کہ ٹی وی پر تبصروں کے باعث حکومتی اداروں کی کارروائیوں کاشکاررہا،اسلام آبادہائیکورٹ نے حقائق کادرست جائزہ نہیں لیااورایف آئی اے میرے خلاف کوئی شواہدپیش نہیں کرسکا۔عدالت سے استدعا ہے کہ میری درخواست ضمانت منظور کی جائے۔واضح رہے کہ ڈاکٹر شاہد مسعود پی ٹی وی کرپشن کیس اور نجی ٹی وی کے رپورٹر کو دھمکیاں دینے کے الزام میں گرفتار ہیں ، اسلام آبادہائیکورٹ نے شاہدمسعودکی درخواست ضمانت مستردکردی تھی ۔