ڈان نیوز برطرفیاں، دوسری  فہرست آج

ڈان نیوز میں برطرفیوں کی دوسری فہرست آج  آئے گی۔۔  گزشتہ جمعہ کو کراچی ہیڈ آفس سے انیس ملازمین کو فارغ کیا۔۔ جن کی فہرست گیٹ پر فراہم کر دی گئی ہے۔ اور سیکیورٹی گارڈز ہر آنے والے کا آفس کارڈ دیکھ کر لسٹ میں نام چیک کرتے ہیں تاکہ کوئی برطرف ملازم اندر داخل نہ ہو سکے۔۔ حالیہ برطرفیوں کے بعد دفتر میں اسٹاف کا بحران پیدا ہو گیا۔ جسے پورا کرنے کیلئے اسٹاف کے ڈیوٹی ٹائم میں ایک گھنٹے کا مزید اضافہ کر دیا گیا ہے۔ جس سے صحافیوں اور دیگر اسٹاف کے دفتری اوقات اب دس گھنٹے روزانہ کر دیئے گئے ہیں۔۔ دوسری جانب ڈرائیورز کی ڈیوٹی پہلے ہی بارہ گھنٹے روزانہ ہے۔۔ پپو کاکہنا ہے کہ ۔ لاکھوں روپے ماہانہ تنخواہوں کے عوض کچھ نہ کرنے والے ایگزیکٹیو پروڈیوسرز اور سینئر پروڈیوسر اور پروڈیوسرز بدستور انجوائے کر رہے ہیں۔ جبکہ ہزاروں روپے تنخواہ والوں سے پہلے نو گھنٹے ڈیوٹی روسٹر پر سختی سے عمل کرایا جاتا تھا۔ اب دس گھنٹے پورے کرائے جا رہے ہیں۔۔ جبکہ انہی میں سے لوگوں کو نکالا بھی جا رہا ہے ۔۔