ڈان گروپ سے آج اظہار یکجہتی کیا جائے گا۔۔

پی ایف یوجے افضل بٹ گروپ کی جانب سے جمعرات پانچ دسمبر سہ پہر تین بجے اسلام آباد سمیت ملک کے چاروں دارالحکومتوں میں ڈان گروپ کے ساتھ اظہار یکجہتی کیا جائے گا۔۔ پی ایف یوجے کے نومنتخب صدر شہزادہ ذوالفقار اور سیکرٹری ناصر زیدی نے اسلام آباد، لاہور، کراچی، پشاور اور کوئٹہ میں تمام کارکنوں سے ڈان کے دفاتر پہنچنے کی ہدایت کی ہے تاکہ ڈان گروپ کے سامنے یکجہتی مظاہرہ کیا جاسکے۔۔اس سلسلے میں تمام یو جیز کو بھی ہدایات جاری کردی گئی ہیں۔۔ واضح رہے کہ گزشتہ دنوں اسلام آباد میں ڈان کے دفاتر کا نامعلوم افراد نے گھیراؤ کیا تھا اور تاحال اس کے ملزمان گرفتار نہیں کئے جاسکے۔۔