کراچی کی عدالت جوڈیشل مجسٹریٹ شرقی نے مرحوم رکن قومی اسمبلی ڈاکٹر عامر لیاقت کی بیوہ دانیہ شاہ کی درخواست ضمانت پر فیصلہ محفوظ کر لیا ہے ۔ عامر لیاقت کی نازیبا ویڈیو کے کیس میں گرفتار ملزمہ دانیہ شاہ کی درخواست ضمانت پر سماعت کراچی کی جوڈیشل مجسٹریٹ کی عدالت میں ہوئی، دوران سماعت ایف آئی اے کے پراسیکیوٹر نے مؤقف اختیار کیا کہ ویڈیو کب اور کہاں بنائی گئی ہمیں اس کا پتا نہیں چلا کیونکہ ہمیں ملزمہ کا ریمانڈ نہیں دیا گیا تھا،پراسیکیوٹر کے مؤقف پر جوڈیشل مجسٹریٹ مکیش کمار نے ریمارکس دیے کہ آپ کو 3 دن کا ریمانڈ تو دیا گیا تھا، آپ جیل میں جا کر بھی تفتیش کر سکتے تھے۔بعد ازاں عدالت نے فریقین کے دلائل سننے کے بعد دانیہ شاہ کی درخواست ضمانت پر فیصلہ محفوظ کر لیا، درخواست ضمانت پر فیصلہ آج سنایا جائے گا۔
Facebook Comments
