دانیہ شاہ اپنے نئے شوہر سے بھی ناراض۔۔

دانیہ شاہ اور حکیم شہزاد کے ہاں بیٹے کی پیدائش ہوئی ہے جس کا نام بھی سامنے آگیا تاہم اس موقع پر دیگر بچوں کی شادیوں کے اعلان پر دانیہ شاہ اپنے شوہر سے ناراض دکھائی دیں۔ماں بننے کی خوشی میں رکھی گئی تقریب میں دانیہ شاہ اپنے شوہر شہزاد حکیم سے کسی بات پر سخت ناراض ہوگئی تھیں جس کی وجہ اب سامنے آگئی۔معروف میزبان عامر لیاقت کی پُراسرار موت کے بعد ان کی تیسری بیوی دانیہ شاہ نے شہزاد حکیم نامی شخص سے شادی کی تھی۔جس سے دانیہ شاہ کے یہاں حال ہی میں بیٹے کی پیدائش ہوئی ہے اور اس خوشی میں جوڑے نے گزشتہ روز ایک شاندار تقریب بھی رکھی۔تاہم یہ تقریب بہت خوشگوار ثابت نہیں ہوئی جس پر دانیہ شاہ نے شدید ناراضگی کا اظہار کیا ہے۔دانیہ شاہ نے الزام عائد کیا کہ شوہر نے گاڑی کا جھوٹا اعلان کرکے گمراہ کیا۔ شوہر نے اب تک بچہ ہونے پر کوئی تحفہ نہیں دیا۔دانیہ شاہ نے ایک ویڈیو پیغام میں بتایا کہ تقریب میرے بیٹے کی تھی لیکن اس میں میرے شوہر اپنی پہلی بیوی سے ہونے والی اولادوں کو بھی لے آئے۔دانیہ شاہ نے کہا کہ شوہر نے اپنی ان اولادوں کی شادیوں کا اعلان بھی میرے بیٹے کی تقریب میں کر کے سارا ماحول خراب کر دیا۔دانیہ شاہ نے یہ شکوہ بھی کیا کہ شوہر شہزاد حکیم نے تقریب میں میرے بچے کے نام کا اعلان تک بھی نہیں کیا جو ہم نے پہلی بار منظر عام پر لانا تھا۔یادرہے کہ دانیہ شاہ نے جولائی 2024 میں حکیم شہزاد سے اپنی دوسری شادی کی تصدیق کی تھی، جس کے بعد وہ اپنے شوہر کے ساتھ سوشل میڈیا پر ویڈیوز اور تصاویر شیئر کرتی رہیں، وہ حکیم شہزاد کی تیسری اہلیہ ہیں۔دانیہ شاہ نے حال ہی میں ایک ویلاگ شیئر کیا، جس میں نہ صرف اپنے بیٹے کی پیدائش کا اعلان کیا بلکہ ننھے مہمان کو ملنے والے تحائف کی ان باکسنگ بھی کی۔تاہم، اس ویلاگ میں دانیہ شاہ ناراض بھی نظر آئیں کیونکہ ان کے شوہر شہزاد حکیم نے بیٹے کے نام کا اعلان کرنے کی بجائے گاڑی کے بارے میں بات کی، جو کہ بعد میں واپس لے لی گئی۔ویلاگ میں دانیہ شاہ نے کہا، ”یہ تقریب میرے بیٹے کی خوشی میں تھی، لیکن شہزاد نے اپنے دیگر بچوں کی شادی کا اعلان کیا اور میرے بیٹے کا نام تک نہیں بتایا۔ اس لیے مجھے بہت افسوس ہے کہ اس موقع پر کچھ اور ہی اعلان کیا گیا۔انہوں نے اپنے بیٹے کا نام ”ریان“ بتایا اور کہا کہ اس کو انہوں نے گولڈ کی چین بطور تحفہ دی ہے۔دانیہ شاہ نے غصے میں کہا، ”بچوں کو صرف ویوز کے لیے استعمال نہیں کرنا چاہیے۔“ ویلاگ میں دانیہ نے بیٹے کے لیے ملنے والے تمام تحائف بھی دکھائے، جن میں سے کچھ تحفے شہزاد حکیم کی پہلی بیوی کی جانب سے تھے۔ دانیہ شاہ کے شوہر شہزاد حکیم کی جانب سے اس بیان پر تاحال کوئی بیان سامنے نہیں آیا ہے۔