دانیہ شاہ کا اپنے شوہرحکیم لوہاپاڑ کی پانچویں شادی کرانے کا اعلان۔۔

ٹک ٹاک اسٹار دانیہ شاہ کی ایک نئی ویڈیو سوشل میڈیا پر گردش کر رہی ہے، جس میں وہ اپنے شوہر حکیم شہزاد لوہا پاڑ کی پانچویں شادی کے حوالے سے گفتگو کرتی دکھائی دے رہی ہیں۔ ویڈیو میں دانیہ شاہ کہتی ہیں کہ وہ خود اپنے شوہر کی پانچویں شادی کی تاریخ طے کروانے جا رہی ہیں اور جلد ہی دلہن کو رخصت کرا کر لائیں گی۔سوشل میڈیا ایپ انسٹا گرام کے ایک پیکج ShowbizShowsha پر دانیہ شاہ کی شوہر کے ساتھ ایک ویڈیو اپ لوڈ کی جائی گئی ہے جس میں  وہ اور حکیم شہزاد تیار ہو کر کھڑے ہیں۔ دانیہ کے اس اعلان پر حکیم شہزاد نے طنزیہ انداز میں ردعمل دیتے ہوئے کہا، “اس کا دماغ خراب ہے، میں اسے پاگل خانے میں داخل کرا رہا ہوں۔دانیہ نے یہ بھی دعویٰ کیا کہ نکاح کے لیے جس خاتون کا انتخاب کیا گیا ہے، وہ بھی اسی تقریب میں موجود ہیں اور دونوں نکاح کی تاریخ لینے آئے ہیں۔خیال رہے کہ دانیہ شاہ نے جولائی 2024 میں حکیم شہزاد سے نکاح کی تصدیق کی تھی، اس سے قبل وہ معروف میزبان عامر لیاقت حسین کی بیوی رہ چکی ہیں۔