کرائم رپورٹرز ایسوسی ایشن کے الیکشن میں یونائیٹڈ پینل نے اپنے حریف پروگریسیو پینل کو باآسانی شکست دے دی۔۔ ہفتے کے روز کراچی پریس کلب میں کرائم رپورٹرز ایسوسی ایشن کے الیکشن ہوئے پولنگ اپنے وقت پر شروع ہوئی اور شام چھ بجے تک بغیر کسی وقفے کے جاری رہی، ووٹرز کی تعداد ایک سو بانوے تھی لیکن ایک سو چوراسی ووٹ کاسٹ کئے گئے یعنی ووٹنگ کی شرح ستانوے فیصد رہی۔۔صدر کے عہدے پر یونائیٹڈ پینل کے سمیر قریشی اور پروگریسیو کے رانا خالد کے درمیان مقابلہ تھا، سمیر قریشی نے 137 جبکہ رانا خالد نے 46 ووٹ لئے، نائب صدر کیلئے ذیشان شاہ نے 102 جب کہ بابرسلیم نے 78ووٹ لئے۔۔سیکرٹری کے لئے طحہ عبیدی 128 شاہد انجم 55، جوائنٹ سیکرٹری پر مقابلہ ٹائی رہا ریحان چشتی اور کاشف ہاشمی نے اکیانوے،اکیانوے ووٹ لئے، سیکرٹری اطلاعات کے لئے سہیل شبیر 95 دانیال سید نے 86 خزانچی کیلئے رجب علی 120 فاروق مورائی 61 جب کہ گورننگ باڈی کے لئے کاشف مشتاق، عامر مجید، خرم گلزار، سالک شاہ، سلمان لودھی، ندیم احمد اور علی رضا کامیاب رہے۔۔
