کورونا وائرس کے بڑھتے کیسز سامنے آنے کے بعد معروف ریسٹورنٹ برانڈ کے ایف سی نے ’’اتنا اچھا ہے کہ انگلیاں چاٹتے رہ جائو گے” اشتہار فی الحال بند کرنے کا اعلان کیا ہے۔ کمپنی کی جانب سے جاری کردہ بیان میں کہا گیا ہے کہ ٹیلی ویژن، اخبارات اور بل بورڈز پر یہ اشتہار کچھ عرصہ کیلئے معطل کیا جا رہا ہے تاہم، امید ہے کہ جلد ہی یہ اشتہار عوام کو دوبارہ نظر آنا شروع ہو جائےگا۔ یاد رہے کہ اشتہارات میں صارفین کو کرنل سینڈرز کا چکن کھا کر انگلیاں چاٹتے ہوئے دکھایا جاتا ہے جس کا مقصد یہ دکھانا ہوتا ہے کہ ریسٹورنٹ کی کھانے پینے کی اشیاء نہ صرف بہترین ہیں بلکہ یہ بہت ذائقہ دار بھی ہیں۔ امریکا میں ایڈورٹائزنگ اینڈ اسٹینڈرڈز اتھارٹی (اے ایس اے) کی جانب سے 163؍ شکایات موصول ہونے کے بعد ہی ادارے نے یہ اشتہار کورونا وائرس کے پھیلائو کو روکنے کیلئے معطل کیا ہے۔
Facebook Comments
