کالم نگار کے کالموں کے 2 مزید مجموعے شائع۔۔

معروف دینی اسکالر اور کالم نگار عبدالقادر شیخ کے کالموں کے دو مزید مجموعے چھپ گئے۔ حال ہی میں چھپنے والے کالموں کے مجموعے ’’اسلام کا عالمگیر پیغام‘‘ اور ’’ تعلیمات مصطفیٰ‘‘ ادارہ کارونِ خدمت اور کائنڈ پرنٹرز کے تعاون سے پرنٹ ہوئے ہیں۔ دونوں کتابوں میں شامل کالم مختلف ادوار میں ملک کے بڑے اخبارات کی زینت بنتے رہے ہیں جبکہ قارئیں کے اصرار پر انہیں کتابی شکل دے دی گئی ہے۔ مذہبی اسکالرز اور مختلف دینی حلقوں نے اس عظیم کام پر مصنف عبدالقادر شیخ کو مبارک باد پیش کی ہے۔ واضح رہے کہ عبدالقادر شیخ کئی کتابوں کے مصنف ہیں اور ان کے کالموں کا ایک مجموعہ اس سے پہلے بھی شائع ہو چکا ہے۔