کوک اسٹوڈیو نے تیزگام ٹرین حادثے کے پیش نظر اپنے نئی سیزن کی تیسری قسط جاری کرنےسے روک دی۔۔کراچی سے راولپنڈی جانے والی تیز گام ایکسپریس میں آگ بھڑک اٹھنے کے نتیجے میں 74 مسافر جاں بحق اور 90 سے زائد زخمی ہوگئے تھے، افسوس ناک سانحے پر شوبز انڈسٹری سمیت دنیا بھر سے تعزیتی پیغام بھیجے گئے۔۔ کوک اسٹوڈیو کی جانب سے بھی ہولناک سانحے کے باعث اپنی نئی قسط جاری نہ کرنے کا فیصلہ کیا گیا ہے۔حال ہی میں کوک اسٹوڈیو کا 12 واں سیزن شروع کیا گیا جس کے اب تک کئی گیت ریلیز کے فوراً بعد ہی مقبول ترین گیتوں کی فہرست میں شامل ہو گئے ہیں تاہم کوک اسٹوڈیو کی انتظامیہ نے ٹرین حادثے کے پیش نظر نئی آنے والی قسط جاری کرنے سے روک دی ہے۔کوک اسٹوڈیو کی جانب سے سماجی رابطے کی ویب سائٹ ٹوئٹر پر ایک ٹوئٹ کی گئی جس میں انہوں نے تیز گام ٹرین حادثے میں شہدا اور زخمیوں کے اہل خانہ سے اظہار افسوس کیا، ساتھ ہی یہ بھی کہا کہ کوک اسٹوڈیو سیزن 12 کی تیسری قسط ریلیز نہیں کی جائے گی۔۔۔
