کراچی پریس کلب کی صحافی کالونیوں کے مسائل پر چیف سیکریٹری سندھ آصف حیدر شاہ سے کراچی پریس کلب کے وفد کی ملاقات،صدر کراچی پریس کلب سعید سربازی اور سیکریٹری کراچی پریس کلب شعیب احمد نے پریس کلب کے 700 نئے ممبران کے پلاٹس، ایل ڈی اے کی لیز، صحافی کالونیوں کی چار دیواری و ترقیاتی منصوبے، ملیر ڈیولپمنٹ اتھارٹی کے پلاٹس اور دیگر مسائل پر تفصیلی بریفنگ دی۔ملاقات میں جوائنٹ سیکریٹری کراچی پریس کلب محمد منصف ، سیکریٹری پلاٹ کمیٹی شمس کیریو ، سیکریٹری اطلاعات سندھ ندیم الرحمان میمن، ڈائریکٹر جنرل اطلاعات محمد سلیم خان، اسپیشل سیکریٹری بلدیات، ڈائریکٹر جنرل لیاری ڈویلپمنٹ اتھارٹی صفدر علی بھگیو، ڈی جی ایم ڈی اے نجب سہتو اور دیگر متعلقہ افسران بھی موجود تھے۔چیف سیکریٹری سندھ آصف حیدر شاہ نے وفد کو پریس کلب کے لیے مختص زمین کے مسائل اور اس کی ترقی کے لیے مختلف منصوبوں کے حوالے سے متعلقہ اداروں کو ہدایات جاری کی۔ان کا کہنا تھا کہ کراچی پریس کلب ایک تاریخی ادارہ ہے، اور اس کے اراکین کی ضروریات کو ترجیحی بنیادوں پر پورا کیا جائے گا۔
