چیئرمین پی ٹی وی تقرری کیس،وفاق کو نوٹس جاری۔۔

اسلام آبادہائیکورٹ نے نعیم بخاری کی بطور چیئرمین پی ٹی وی تعیناتی کیس میں وفاق کو نوٹس جاری کرتے ہوئے اٹارنی جنرل کو معاونت کیلئے طلب کرلیا۔ ہم نیوز کے مطابق اسلام آبادہائیکورٹ میں نعیم بخاری کی بطور چیئرمین پی ٹی وی تعیناتی کیس کی سماعت ہوئی ، چیف جسٹس اطہر من اللہ نے درخواست پر سماعت کی، چیف جسٹس اطہر من اللہ نے استفسار کیا کہ نوٹی فکیشن میں کیا غیر قانونی بات ہے؟،سابق چیئرمین پی ٹی وی عطاالحق قاسمی کی تعیناتی کے خلاف سپریم کورٹ فیصلے کا حوالہ دیاگیا،چیف جسٹس اطہر من اللہ نے کہاکہ سپریم کورٹ کے جس فیصلے کا حوالہ دے رہے ہیں وہ دکھائیں، سپریم کورٹ کے فیصلے کی پابندی لازم ہے، عدالت نے چیئرمین پی ٹی وی کی تعیناتی پر وفاق کو نوٹس جاری کرتے ہوئے اٹارنی جنرل کو معاونت کیلئے طلب کرلیا۔