شوبز انڈسٹری کی سینئر اداکارہ بشریٰ انصاری نے بھی کورونا سے بچاؤ کی ویکسین لگوالی اور اپنے مخصوص انداز میں کہا کہ اب اپنی عمریں چھپانا مشکل ہے۔ اس موقع پر ان کا کہنا تھا کہ یہ ویکسین ہمارے لیے ہمارے چاہنے والوں کیلئے بہت ضروری ہے، سنیئر سٹیزن ہونے کا فائدہ آج ہوا ہے، معمر افراد ویکسین ضرور لگوائیں اور موذی وائرس سے محفوظ رہیں ۔بشریٰ انصاری کا کہنا ہے کہ اس سے پہلے سینیئر سیٹیزن ہونے کا مزہ کبھی نہیں آیا جو اب آیا ہے۔اداکارہ ثمینہ پیرزادہ وہ پہلی اداکارہ ہیں جنہوں نے اس مہلک وبا سے بچاو کیلئے ویکسین لگوائی تھی۔پاکستان میں اس وائرس سے بچاؤ کی ویکسین کا دوسرا مرحلہ چل رہا ہے جس کے تحت 60 سال سے زائد عمر کے افراد ویکسین لگواسکتے ہیں۔
Facebook Comments
