بلبلے ادھار لے کر بنانا شروع کیا تھا،نبیل ظفر۔۔

معروف اداکار، پروڈیوسر اور ہدایت کار نبیل ظفر نے انکشاف کیا ہے کہ اُنہوں نے ادھار لے کر اپنا سپرہٹ ڈرامہ بلبلے شروع کیا تھا۔ ۔ دنیانیوزکے پروگرام “مذاق رات” میں بطورِ مہمان شرکت کے دوران انہوں نے کھل کر گفتگو کی۔ نبیل ظفر کا کہنا تھا کہ سال 2009 میں مجھے مالی مسائل کا سامنا تھا، میں اپنے بچوں کی تعلیم اور گھر کی دیگر اخراجات کی وجہ بہت پریشان تھا”۔نبیل ظفر نے کہا کہ “انہی مالی مسائل کے دوران، میں نے اپنا پہلا پروڈکشن ہاوْس بنایا اور کسی سے اُدھار رقم لیکر ڈراما “بُلبلے” بنایا جبکہ میں نے ڈرامے کے رائٹر اور ہدایتکار کو پہلے ہی اس بات سے آگاہ کردیا تھا کہ میرے پاس اُنہیں دینے کے لیے پیسے نہیں ہیں لہٰذا ڈرامے کے فروخت ہونے کے بعد ہی اُنہیں کام کا معاوضہ ملے گا”۔اداکار نے کہا کہ “میرے پاس اتنی رقم بھی نہیں تھی کہ میں کسی دوسرے اداکار کو ڈرامے میں کاسٹ کرسکوں لہٰذا میں نے خود نبیل کا کردار ادا کیا اور پھر صرف ڈیڑھ لاکھ روپے میں وہ ڈراما چینل کو فروخت کردیا”۔