بلوچستان یونین آف جرنلسٹس کے سالانہ انتخابات 2025-26، جرنلسٹس پینل نے کلین سوئیپ کرلیا۔۔تفصیلات کے مطابق بلوچستان یونین آف جرنلٹس (بی یوجے) کے سالانہ انتخابات میں جرنلٹس پینل نے کلین سوئپ کرلیا۔۔ نائنٹی ٹو نیوز کے خلیل احمد چھیاسی ووٹ لے کر صدر منتخب ہوگئے ان کے مقابل سلمان اشرف بتیس ووٹ لے سکے۔۔ اے آروائی نیوز کے سینئر رپورٹر منظوراحمد 89 ووٹ لیکر سینئر نائب صدر منتخب ہوگئے، مدمقابل فتح شاکر 27 ووٹ لے سکے۔۔ سچ نیوز کے عبدالغنی کاکڑ 69 ووٹ لیکر جنرل سیکرٹری منتخب مدمقابل فتح بگٹی 46 ووٹ لے سکے۔۔ اے پی پی کے نذر بلوچ 69 ووٹ لیکر نائب صدر منتخب، مدمقابل سعدیہ جہانگیر 49 ووٹ لے سکیں۔۔ جبار بلوچ 91 ووٹ لیکر فنانس سیکرٹری، ابرار احمد 83 ووٹ لیکر سینئر جوائنٹ سیکرٹری فضل تواب 79 ووٹ لیکر جوائنٹ سیکرٹری منتخب ہوگئے جب کہ ملک سہیل کاسی، جنید اکبر، امین اللہ مینگل، نعمت اللہ، شاہ حسین، حامد بخاری، چوہدری امتیاز بھاری اکثریت سے اراکین مجلس عاملہ منتخب ہوئے۔۔ بلوچستان یونین آف جرنلٹس کے الیکشن میں ایک سو سینتیس میں سے ایک سو انیس ووٹرز نے اپنا ووٹ کاسٹ کیا۔۔
