بھارتی وفد نے لاہورپریس کلب کا دورہ کیا۔ سابق صدر چندی گڑھ پریس کلب اورسیکرٹری جنرل انڈین جرنلسٹ یونین بلوندرسنگھ جموں کی قیادت میں بھارتی وفد میں دمدما صاحب کے سابق جتھے دار گیانی کیول سنگھ ، کنوری سنگ صباکے پردھان پروفیسر شام سنگھ ، ، پروفیسر راج وندر راہی ، میجر سنگھ ، پروفیسر سکھ جندر کور ، ڈاکٹر گرچرن سنگھ ،پنجاب یونیورسٹی انڈیا کے سابق رجسٹرار پرم جیت سنگھ، جگیر سنگھ ، بسنت کور ، ہرجیت کور، رنجیت سنگھ تالیوال اوردیگر شامل تھے ۔ لاہورپریس کلب کے نائب صدر امجدعثمانی ، ممبر گورننگ باڈی عمران شیخ اور محسن بلال نے معززمہمانوں کو کلب آمد پر خوش آمدید کہا۔ معززمہمانوں کو کلب میں موجود سہولیات بارے آگاہی دی گئی اور انھیں کلب کے مختلف شعبوں کا دورہ کرایاگیا ۔ معزز مہمانوں نے کلب میں موجود سہولیات کو سراہتے ہوئے کہاکہ انھیں لاہور پریس کلب آکر بہت خوشی محسوس ہورہی ہے، لاہور کے لوگ بہت مہمان نواز اور شاندار روایات کے حامل ہیں ، ہم نے لاہورکے بارے میں جوسناتھا اس سے بڑھ کر اسے پایاہے۔
