بلوچستان کا لاپتہ صحافی واپس آگیا۔

بلوچستان کے ضلع بارکھان سے گذشتہ روز لاپتہ ہونے والے صحافی حیات کھیتران بازیاب ہو کر کوہلو پریس کلب پہنچ گئے۔حیات کے بھائی حفیظ اللہ کھیتران نے مقامی میڈیا کو بتایا کہ حیات  گذشتہ روز لاپتہ ہوگئے تھے تاہم اب وہ کوہلو پریس کلب پہنچ گئے ہیں۔حیات کی بازیابی کے لیے آج بارکھان کے شہر رکھنی میں مظاہرہ کیا گیا تھا جس میں مقامی صحافیوں نے شرکت کی۔وہ ایک نیوز چینل کے ساتھ بطور نمائندہ وابستہ ہیں۔صحافی  کے اہلِ خانہ نے حکومت اور اعلیٰ حکام سے ان کی بحفاظت بازیابی میں مدد کرنے کا مطالبہ کیا ہے۔دوسری جانب بارکھان کی تحصیل رکھنی میں صحافی حیات خان کی بازیابی کے لیے ریلی نکالی گئی، جس میں مقامی صحافی اور نوجوان اتحاد تنظیم کے کارکن نے شرکت کی۔ریلی کے شرکاء نے بارکھان کے صحافی حیات خان کی فوری بازیابی کا مطالبہ کیا۔۔