حرف دعا : نوید شاد آرائیں
دشت صحافت کے استاد محترم صفدر بھائی اپنی ذات میں ایک انجمن اور صحافت کا ایک مکمل ادارہ ہیں اور ہم صحافت کے طالب علموں کے لئے قیمتی اثاثہ ہیں مضبوط اعصاب کے مالک صفدر بھائی جانتے ہیں کہ جونئیرز کا دفاع کیسے کرنا ہے اور ہنسی مذاق میں کام کی بات انھیں کیسے سکھانی ہے۔اعلی ظرف صفدر بھائی سفر میں بھی بور نہیں ہونے دیتے بلکہ میزبان اعلی افسر کو بھی افسری کی کرسی سے اتار کر قہقے لگانے پر مجبور کر دیتے ہیں ان کی شگفتہ بیانی کے مدعا ہم ہی نہیں بلکہ ملک کے سینئر سیاستداں اور اعلیٰ افسران بھی ہیں۔صحافت کے میدان کار زار میں صفدر بھائی کی رہنمائی اور مشاورت مشکل مراحل کو بھی آسان بنا دیتی ہے۔ ہماری صحافتی تنظیموں اور کراچی پریس کلب کو چائیے کہ ایسے مایہ ناز قابل فخر صحافیوں کے ساتھ تسلسل سے ورکشاپ طرز کی خصوصی نشستوں کا اہتمام کرے جس میں پیشہ ور صحافی ، نو وارد صحافی اور نام نہاد پیراشوٹر صحافی مہمان سے صحافیانہ اسرار ورموز سمجھنے کے لئے سوال کر سکیں اور انھیں تسلی بخش جواب مل سکے اور قلم سنبھالے الفاظ کا تقدس پامال کرنے والوں کو بھی اندازہ ہو کہ صحافت مادر پدر آزادی کا نام نہیں بلکہ صحافت کی بھی اخلاقی،مذہبی،معاشرتی اور ریاستی حدود و قیود ہوتی ہیں جن کی پاسداری کرنا شہسوار صحافت کے لئے لازم ہے۔ اللہ پاک صفدر بھائی کو صحت و سلامتی عطا فرمائے آمین یا رب العالمین۔۔(نوید شاد آرائیں)۔۔
