اینکر پرسن غریدہ فاروقی کا کہنا ہے کہ اگر مسلم لیگ ن کے رہنما زبیر عمر نے باہمی رضا مندی سے جسمانی تعلق قائم کیا ہے تو الگ معاملہ ہے لیکن اگر نوکری کا جھانسہ دے کر تعلق بنایا تو ان کا احتساب ہونا چاہیے۔زبیر عمر کی مبینہ نازیبا ویڈیو سامنے آنے پر اپنے ایک ٹویٹ میں غریدہ فاروقی نے کہا کہ بنیادی سوال یہ ہے کہ ویڈیوز کس نے بنائیں اور کیوں بنائیں، کس نے لیک کیں اور کیوں لیک کیں؟ یہ سب جاننے کا بنیادی طریقہ ہے کہ ان کا فرانزک آڈٹ کیا جائے اور تحقیقات کی جائیں۔غریدہ فاروقی کے مطابق اگر باہمی رضا مندی سے جسمانی تعلق قائم کیا گیا ہو تو الگ معاملہ ہے لیکن اگر نوکری کا جھانسہ دے کر تعلق بنایا گیا یا ہراساں کیا گیا تو پھر احتساب تو ہونا چاہیے۔انہوں نے کہا کہ ویڈیو میں جس شخص نے الزام عائد کیا ہے اسے بھی قانونی چارہ جوئی کرنی چاہیے۔ یاد رہے کہ زبیر عمر سے منسوب مبینہ نازیبا ویڈیو میں قبائلی علاقہ جات سے تعلق رکھنے والے ایک شخص نے یہ دعویٰ کیا ہے کہ زبیر عمر نے ان سے پیسے لیے اور جب پیسوں کی واپسی کا تقاضہ کیا تو زبیر نے انہیں ایجنسیوں سے کہہ کر تشدد کا نشانہ بنوایا اور بلوچستان کے بارڈر پر پھنکوا دیا۔خیال رہے کہ مسلم لیگ ن کے رہنما اور نواز شریف اور مریم نواز کے ترجمان زبیر عمر سے منسوب ایک نازیبا ویڈیو سوشل میڈیا پر تیزی کے ساتھ وائرل ہو رہی ہے۔ اس ویڈیو میں نظر آنے والے شخص کو مختلف خواتین کے ساتھ قابلِ اعتراض حالت میں دیکھا جاسکتا ہے۔ اینکر پرسن غریدہ فاروقی کے مطابق زبیر عمر نے اس ویڈیو کی فرانزک تحقیقات کروانے کا اعلان کیا ہے۔ اس کے علاوہ لیگی رہنما نے آج اس بارے میں اپنا موقف پیش کرنے کا بھی کہا ہے۔اینکر پرسن غریدہ فاروقی کا کہنا ہے کہ نواز شریف اور مریم نواز کے ترجمان زبیر عمر نے سوشل میڈیا پر سامنے آنے والی مبینہ نازیبا ویڈیو کو فیک قرار دیا ہے۔اپنے ایک ٹویٹ میں غریدہ فاروقی نے کہا کہ ویڈیو سامنے آنے کے بعد انہوں نے اس ویڈیو کی حقیقت جاننے کیلئے مسلم لیگ ن کے رہنما زبیر عمر سے بات کی۔ زبیر عمر کا کہنا ہے کہ یہ ویڈیو جھوٹی اور ایڈٹ کرکے بنائی گئی ہے۔غریدہ فاروقی کے مطابق زبیر عمر اس ویڈیو کی تحقیقات اور فرانزک آڈٹ کا ارادہ بھی رکھتے ہیں۔
