بغیرمیک اپ پریانکا کو دیکھ کر ڈر گیا تھا، معمر رانا۔۔

معروف اداکار معمر رانا کا کہنا ہے کہ بالی وڈ کی صفِ اول کی اداکارہ پریانکا چوپڑا کو بغیر میک اپ کے دیکھ کر ڈر گیا تھا، وہ میک اپ کے بغیر کافی مختلف نظر آتی ہیں۔نادرعلی یوٹیوبر کے ایک پوڈکاسٹ میں معمررانا کا کہنا تھا کہ پاکستان میں تو ایسی کوئی نہیں البتہ بھارت میں کئی ایسی اداکارائیں ہیں جو بغیر میک اپ بھیانک نظر آتی ہیں۔معمر رانا نے بتایا کہ پریانکا چوپڑا کو جب میں نے بغیر میک اپ دیکھا تو میں ڈر گیا تھا، مجھے پتا ہی نہیں چلا کہ یہ ہے کون، میں اور سلمان بیٹھے باتیں کررہے تھے کہ ایک لڑکی آئی اور سلمان سے باتیں کرنے لگی’۔اس دوران میں خاموش رہا، جب لڑکی گئی تو میں نے سلمان سے پوچھا یہ کون تھی؟ جواب میں سلمان نے حیرانی سے کہا تم نے نہیں پہچانا؟ میں نے کہا نہیں جس پر سلمان نے بتایا کہ یہ پریانکا چوپڑا تھی’۔معمر رانا نے کہا ‘یہ سن کر میں کافی حیران ہوا، میرا جو سارا کرش تھا وہ ختم ہوگیا، میں نے کہا بھاڑ میں جاؤ سارے’۔انہوں نے مزید کہا کہ ‘جو اداکارہ اصل میں خوبصورت ہے وہ ہے امیشا پٹیل، وہ بہت دلکش اور حسین اداکارہ ہیں وہ بالکل فٹ اور دکھنے میں بہت پیاری ہیں’۔ پاکستانی اداکاراؤں سے متعلق معمررانا نے بتایاکہ۔۔صائمہ بغیر میک اپ بہت پیاری لگتی ہیں، اس کے علاوہ ریما اور ریشم حقیقت میں بہت خوبصورت ہیں جب کہ اسکرین اپیئرنس میرا کی شاندار ہے’۔