اداکارہ حمائمہ ملک کا کہنا ہے کہ وہ کبھی اسکول نہیں گئیں اور انہوں نے 14 سال کی عمر سے کام کرنا شروع کردیا تھا۔حال ہی میں ایک پوڈکاسٹ میں انٹرویو دیتے ہوئے انہوں نے کہا کہ تیسری جماعت تین مرتبہ دھرائی اس کے بعد چوتھی کلاس میں پروموٹ ہوکر گئی۔ حمائمہ ملک نے بتایا کہ ’مجھے بچپن سے ہی پڑھنے کا شوق نہیں تھا، کلاس میں سب سے پیچھے بیٹھتی تھی، میتھا میٹکس مجھے نہیں آتی تھی لیکن کلاس مانیٹر بننے کا شوق تھا، تھرڈ کلاس 3 مرتبہ دہرائی اس کے بعد بھی پروموٹ ہوکر چوتھی کلاس میں گئی، مجھے انگلش کی بنیادی چیزیں بھی نہیں پتا تھیں، “شی” سن کر لگتا تھا یہ کسی لڑکی کا نام ہے، یہاں تک کہ ایک دوست سے پوچھ بیٹھی کہ “شی” کون ہے؟ انہوں نے کہا کہ ’ آج بچپن کو واپس لانا چاہتی ہوں کیوں کہ مجھے میرا بچپن یاد ہی نہیں، میری خواہش تھی کہ میں اسکول میں فرسٹ آؤں، فرسٹ نہیں تو سیکنڈ آجاؤں یا پھر پاس آجاؤں لیکن جب چاہت ہو تو ضررورت نہیں رہتی پھر آپ کو سب کچھ آجاتا ہے اب میں شاعری بھی کرلیتی ہوں، انگلش بھی پڑھ لیتی ہوں لٹریچر بھی پڑھتی ہوں، میتھا میٹکس مجھے ابھی تک نہیں آتی لیکن اس دوران میں نے خود کو کھودیا اور آج جو کچھ بھی ہوں یہ سب کچھ والدین اور اپنوں کے اعتبار کی بدو لت حاصل کیا‘۔ اداکارہ کا کہنا تھا کہ ’شوبز کیرئیر کا آغاز 14 سال کی عمر میں ماڈلنگ سے کیا، زیادہ عرصہ باہر رہی، بچپن میں اگرچہ کبھی اسکول نہیں گئی، یونیورسٹی جانے کا بہت شوق تھا لیکن جب میں لمز ، پنجاب یونیورسٹی گئی تو میں نے سوچا اللہ نے مجھے یہاں کیلئے رکھا تھا لیکن اس بات کو تسلیم کرتی ہوں کہ تعلیم بہت اہم ہتھیار ہے‘۔
