اعزاز سید نے غلط خبر پر معذرت کرلی۔۔

سینئر تحقیقی صحافی عزیز سید نے سابق امریکی صدر ڈونلڈ ٹرمپ کے پاکستان کے دورے سے متعلق غلط خبر نشر کرنے پر عوامی معذرت کی ہے۔ انہوں نے دعویٰ کیا تھا کہ ٹرمپ 18 ستمبر کو پاکستان کا دورہ کریں گے، تاہم بعد ازاں یہ تصدیق ہوئی کہ ٹرمپ 17 سے 19 ستمبر تک برطانیہ میں موجود ہوں گے۔یہ غلط خبر جیو نیوز پر نشر کی گئی، جس سے نہ صرف چینل کی ساکھ متاثر ہوئی بلکہ صحافتی پیشہ ورانہ اصولوں پر بھی سوال اٹھے۔ اعزاز سید جیسے تجربہ کار صحافی سے اس قسم کی کوتاہی پر کئی حلقوں میں حیرت کا اظہار کیا گیا ہے، خاص طور پر ایسے وقت میں جب پاکستانی میڈیا میں ’سب سے پہلے‘ خبر دینے کی دوڑ میں غلطیاں عام ہوتی جا رہی ہیں۔اعزاز سید نے ایکس (سابقہ ٹوئٹر) پر معذرت کرتے ہوئے کہاکہ۔۔آج مجھے انتہائی شرمندگی کے ساتھ اعتراف کرنا پڑ رہا ہے کہ میں نے امریکی صدر ڈونلڈ ٹرمپ کے حوالے سے جو تاریخ بتائی، وہ قبل از وقت اور غیر مصدقہ تھی۔ میں اس غلطی کی مکمل ذمہ داری لیتا ہوں اور اپنے تمام فالوورز، خصوصاً اپنی تنظیم جیو نیوز سے، جو ہمیشہ مجھ پر اعتماد کرتی ہے، سے دلی معذرت چاہتا ہوں۔ میں صحافتی دیانت، شفافیت اور درستگی کے اصولوں پر قائم ہوں اور اس غلطی پر واقعی نادم ہوں۔اگرچہ اعزاز سید کی معذرت خوش آئند ہے، لیکن یہ واقعہ اس بات کی نشان دہی کرتا ہے کہ پاکستانی میڈیا کو خبروں کی اشاعت سے پہلے مؤثر ایڈیٹوریل جانچ پڑتال اور ذمہ داری کے اصولوں کو مزید بہتر بنانے کی اشد ضرورت ہے۔