پی ٹی آئی کے رکن قومی اسمبلی عامر لیاقت حسین نے ایک بار پھر اداکارہ مہوش حیات کو تنقید کا نشانہ بنا دیا ۔مہوش حیات نے سوشل میڈ یا ایپ انسٹا گرام پر اپنی ایک تصویر شیئر کی جو سوشل میڈ یا پر وائرل ہو گئی ،اس تصویر کو دیکھ کر عامر لیاقت بھی چپ نہ رہ سکے اور طنز کا تیر چلا دیا ۔مائیکرو بلاگنگ ویب سائٹ ٹوئٹر پر انہوں نے مہوش حیات کو تنقید کا نشانہ بناتے ہوئے کہا کہ ’تمہیں تمغہ کہوں یا نغمہ کہ سورج کہوں یا تارا، کیسے نام کرے گا روشن دو جگ میں حال تمہارا۔‘صدارتی تمغہ امتیاز حاصل کرنے والی اداکارہ مہوش حیات نے حال ہی میں اپنے فوٹو شوٹ کی تصویر شیئر کی اور خود کو رکاوٹوں اور مشکلات کا سامنا کرنے والی مضبوط خاتون قرار دیا۔واضح رہے کہ ایسا پہلی بار نہیں ہوا کہ پی ٹی آئی رہنما نے مہوش حیات کو تنقید کا نشانہ بنایا ہو، اس سے قبل بھی وہ کئی بار اداکارہ پر تنقید کر چکے ہیں یہاں تک کہ ان کے تمغہ امتیاز پر بھی سوال اٹھا چکے ہیں۔
