مرید کے قاتل کی طبیعت بہتر ہوگئی۔۔

کراچی ڈیفنس میں اینکر پرسن مرید عباس سمیت دہرے قتل کے ملزم عاطف زمان کی طبیعت بہتر ہوگئی ہے، اس سے متعلق انوسٹی گیشن ٹیم کو بھی آگاہ کیا گیا ہے۔اسپتال انتظامیہ کےمطابق کیس کی تفتیش کرنےوالی ٹیم کوبھی ملزم کی طبیعت سے متعلق آگاہ کردیاگیاہے۔اسپتال ذرائع نے بتایا کہ ملزم جن ادویات پر ہے اس پر ریمانڈ اور جیل بھیجا جاسکتا ہے جس پر شعبہ تفتیش ساؤتھ کے دو ارکان اسپتال پہنچے اور انتظامیہ سے ملاقات کی۔ذرائع کا کہنا ہے کہ ملزم عاطف زمان کو اسپتال سے نہیں لے جایا جارہا، ملزم سے تمام تر تفتیش اسپتال میں ہی کی جارہی ہے۔ملزم کو مزید دو روز اسپتال میں رکھنے کا فیصلہ بھی کیاگیا ہے۔۔