ایسوسی ایشن فوٹو جرنلسٹس آف لاہور کی جنرل باڈی کا اجلاس لاہور پریس کلب میں چیئرمین راحت ڈار کی سربراہی اور صدر وسیم نیاز کی صدارت میں منعقد ہوا نائب صدر صداقت مغل نے تلاوت قرآن پاک سے اجلاس کا آغاز کیا جنرل سیکرٹری عمران شیخ خزانچی پرویز الطاف اور سکیرٹری اطلاعات مرتضی علی اور ممبران گورننگ باڈی عارف علی محسن رضا طاہر چودھری یعقوب عزیز اور ممبران کی کثیر تعداد نے شرکت کی۔اجلاس میں سینیئر فوٹوجرنلسٹ دی نیوزاکمل بھٹی کی والدہ سمیت تمام مرحومین کیلئے دعائے مغفرت جبکہ یعقوب عزیز کے والد کی وفات پر اظہار افسوس کرتے ہوئے ایک منٹ کی خاموشی اختیار کی گئی بعد ازاں اجلاس کی کارروائی شروع کی گئی جس میں ایسوسی ایشن آف فوٹو جرنلسٹس لاہور کے عہدیداران و ممبران نے لاہور پریس کلب کے سالانہ انتخابات میں جرنلسٹس پروگریسیو الائینس کی کامیابی پر مبارکباد پیش کی گئی جس کی جیت کا جشن منانے کیلئے بہت جلد پریس کلب کے فوٹوجرنلسٹس روم میں تقریب رکھی جائے گی جس کے مہمان خصوصی لاہور پریس کلب کے صدر ارشد انصاری اور انکی ٹیم کے ممبران ہونگے۔۔ایسوسی ایشن فوٹو جرنلسٹس آف لاہور کے سیکریٹری عمران شیخ کو ساتویں بار منتخب ہونے پر ہائوس کی جانب سے مبارک باد دی گئی۔۔
