اے آروائی کی بندش ہزاروں ملازمین کی روزی کا مسئلہ ہے

ڈراموں اور فلموں کے معروف اداکار ہمایوں سعید اے آر وائی نیوز کی بندش کے خلاف کراچی پریس کلب پر مظاہرے اظہارِ یکجہتی کے لیے پہنچ گئے۔ ہمایوں سعید نے کہا کہ اے آر وائی نیوز کی بندش ساڑھے چار ہزار ملازمین کی روزی کا مسئلہ ہے، اے آر وائی نیوز سے پندرہ بیس سال سے وابستہ ہوں ۔ سُپر اسٹار نے کہا کہ اے آر وائی مالکان کو محب وطن پایا، یہ ہر کام پاکستان میں اور پاکستان کے لیے کرتے ہیں۔ انہوں نے مطالبہ کیا کہ اے آر وائی نیوز کو فوری بحال کیا جائے۔اس سے قبل اداکار فہد مصطفیٰ نے مظاہرے میں شرکت کے دوران کہا کہ سب سے پسندیدہ چینل کو آپ کیسے بند کر سکتے ہیں، چینل کی بندش 4 ہزار خاندانوں کا مسئلہ ہے۔انہوں نے کہا کہ چینل بند رہا تو ملازمین کے گھروں کا چولہا کیسے چلے گا، اے آر وائی نیوز کی نشریات فوری بحال کی جائے۔