اے آر وائی کے مارننگ شو کو تنقید کا سامنا۔۔۔

پورے ملک میں کرونا وائرس سے بچنے کیلئے حفاظتی انتظامات کئے جا رہے ہیں ایسے میں ایک مارننگ شو کی میزبان ندا یاسر کو اپنے شو میں ایک ساتھ کئی مہمانوں کو بلانے اور ان کے ساتھ پروگرام کرنے پر تنقید کا سامنا ہے۔میڈیا رپورٹ کے مطابق اس پروگرام میں ندا یاسر نے کرونا وائرس سے بچاؤ کیلئے احتیاطی تدابیر پربھی بات کی تھی۔ انہوں نے کہا تھا کہ کرونا وائرس کے ڈر کو ختم یا کم کرنے کیلئے لازمی ہے کہ گھروں تک محدود افراد کو انٹرٹینمنٹ فراہم کی جائے۔اسی پروگرام میں ندا یاسر نے میک اپ آرٹسٹوں کا مقابلہ بھی کروایا۔ واضح رہے کہ مختلف چینلز ریٹنگ کی دوڑ میں مارننگ شوز پر بعض قابل اعتراض مٹیریل بھی دکھا دیتے ہیں جس کے سبب عوامی تنقید کا سامنا کرنا پڑتا ہے۔