آرٹس کونسل میں تمام تقریبات، اکیڈیمز بند۔۔

صدر آرٹس کونسل آف پاکستان کراچی محمد احمد شاہ نے اپنے ایک بیان میں کہا ہے کہ کورونا وبا ان دنوں شدت اختیار کر رہی ہے۔۔ صورتحال تشویشناک ہونے کے باعث آرٹس کونسل آف پاکستان کراچی نے فیصلہ کیا ہے کہ حالات ساز گار ہونے تک مختلف ثقافتی سرگرمیاں، تقریبات اور آرٹس کونسل کی تمام اکیڈمیز کی کلاسز بند کردی جائیں، جن میں میوزک اکیڈمی، ڈانس اکیڈمی، تھیٹر اکیڈمی اور آرٹس کونسل انسی ٹیوٹ آف آرٹس اینڈ کرافٹس شامل ہیں۔ محمد احمد شاہ نے مزید کہا کہ کلاسز کھولنے کا دوبارہ اعلان حکومت سندھ کے اسکول کھولنے کے فیصلے سے مشروط ہے، آرٹس کونسل نے ہمیشہ شہریوں کی صحت کو ترجیح دی ہے، اس ضمن میں آرٹس کونسل میں گزشتہ 5ماہ سے قائم ویکسی نیشن سینٹر سے ممبران آرٹس کونسل سمیت ان کے اہلِ خانہ، ادیب ،شاعر اور فنکار برادری کی بڑی تعداد کورونا سے بچاؤکا ٹیکہ لگوا چکی ہے۔