ارشدشریف قتل کیس کی تحقیقات کرنے والی اسپیشل جے آئی ٹی نے پی ٹی آئی رہنما علی زیدی کو طلب کرنے کا فیصلہ کرلیا۔اے آر وائی نیوز کے مطابق ارشد شریف قتل کیس میں اسپیشل جے آئی ٹی نے تحریک انصاف کے رہنما علی زیدی کو طلب کرنے کا فیصلہ کرلیا۔ذرائع کا کہنا ہے کہ فیصل واوڈا کو بھی طلب کرنے کا فیصلہ کیاگیا ہے تاہم طلبی کےنوٹس آج جاری کئے جانے کا امکان ہے۔ارشد شریف کیس پر اسپیشل جوائنٹ انویسٹی گیشن ٹیم کاچوتھا اجلاس آج ہوگا ، جس میں اسپیشل جےآئی ٹی مزید 4 افراد کے بیانات ریکارڈکرے گی۔گذشتہ روز ارشد شریف کیس پر اسپیشل جوائنٹ انوسٹی گیشن ٹیم کی تیسری میٹنگ ہوئی۔جس میں ارشد شریف کیس فیکٹ فائنڈنگ کمیٹی سے جے آئی ٹی کی ملاقات ہوئی اور تفصیلی بریفنگ لی گئی۔اجلاس میں بیانات قلمبند کرنےکیلئے فہرست مرتب کر لی گئی اور شہادتیں قلمبند کرنے کیلئے مزید افراد کو طلب کرلیا گیا۔ارشد شریف کی والدہ سے ان کی خرابی صحت کے باعث ایس جے آئی ٹی کی ملاقات ممکن نہ ہوسکی تاہم گواہوں کے بیانات اور شہادتوں کا جائزہ لیا جائے گا۔
