اے آر وائی نیٹ ورک کے صدر اور سی ای او سلمان اقبال نے گولڈ میڈل جیتنے پر ارشد ندیم کو اے آر وائی لگونا میں اپارٹمنٹ تحفے میں دینے کا اعلان کردیا۔تفصیلات کے مطابق پاکستانی ایتھلیٹ ارشد ندیم کے اولمپکس میں گولڈ میڈل جیتنے پر اے آر وائی نیٹ ورک کے صدر اور سی ای او سلمان اقبال خوشی سے نہال ہوگئے۔سلمان اقبال نے پاکستانی ایتھلیٹ کو پاکستان کیلئے گولڈ میڈل جیتنے پر مبارکباد دیتے ہوئے اعلان کیا پاکستانی ایتھلیٹ کو اے آر وائی لاگونا میں اپارٹمنٹ تحفے میں دیا جائے گا۔یاد رہے پاکستان نے پیرس اولمپکس میں گولڈ میڈل جیت لیا اور پاکستانی ایتھلیٹ نے پاکستان کا سر فخر سےبلند کردیا۔ پاکستانی ایتھلیٹ نے جیولین تھرو میں اولمپکس کی 118 سالہ تاریخ کا ریکارڈ توڑ دیا اور فائنل میں بانوے اعشاریہ نو سات میٹر تھرو کرکے اولمپکس کا نیا ریکارڈ بنایا۔
Facebook Comments
