پاکستان میں انگریزی کے سب سے بڑے اخبار ڈان نے ٹی وی اینکر عمران ریاض خان، ارشد شریف ، سمیع ابراہیم اور صابر شاکر کے خلاف راتوں رات ملک بھر کے مختلف شہروں میں درج ہونے والے مقدمات کی مذمت کی ہے۔۔ منگل کے روز اپنے ادارتی نوٹ۔۔سوالیہ مہم میں ڈیلی ڈان نے لکھا ہے کہ ۔۔۔طریقہ کار اور ایف آئی آر کے مندرجات سب اس حقیقت کی طرف اشارہ کرتے ہیں کہ اس مربوط مہم کے پیچھے ایک ہی ذریعہ ہے۔اخبار کے مطابق کسی خاص نقطہ نظر کےاظہار کے لئے صحافیوں کو نشانہ بنانے جیسی مہمات کو معاف نہیں کیا جا سکتا اور اسے جو بھی طاقتیں ہیں، ان کو ترک کر دینا چاہیے۔ٹی وی اینکرز کے خلاف مضحکہ خیز حد تک یکساں الزامات والے مقدمات کے اندراج کے لیے دور دراز کے شہروں میں مشکوک کرداروں کا استعمال کرنے والے طریقوں کو شامل کیاگیا۔۔ٹھٹھہ میں ایکسپریس نیوز کے اینکر عمران ریاض خان کے خلاف مقدمہ درج کرلیا گیا۔ الزامات میں بغاوت پر اکسانا، فساد برپا کرنے کے مقصد سے اشتعال انگیزی شامل ہے۔ ارشد شریف، سمیع ابراہیم اور صابر شاکر کے خلاف سندھ میں متعدد مقدمات درج ہیں۔اخبار نے کہا کہ وہ ان صحافیوں کے خیالات سے متفق نہیں ہے۔ پھر بھی، یہ “ان کے اظہار رائے کی آزادی کے حق کا دفاع کرتا ہے۔
