امان اللہ وینٹی لیٹر پر منتقل،دعائے صحت کی اپیل۔۔

معروف کامیڈین امان اللہ کو طبیعت خراب ہونے پر نجی ہسپتال منتقل کردیا گیا ۔ان کے اہل خانہ کا کہنا ہے کہ امان اللہ کو پھیپھڑوں اور سانس میں تکلیف کے باعث 2 روز قبل ہسپتال میں داخل کرایا گیا جہاں انہیں ڈاکٹروں نے وینٹی لیٹر پر رکھا ہے۔اہلخانہ نے مداحوں سے درخواست ہے کہ وہ امان اللہ کی جلد صحت یابی کے لیے دعا کریں۔واضح رہے کہ گزشتہ ماہ بھی امان اللہ خان کو طبیعت خراب ہونے پر مقامی ہسپتال منتقل کیا گیا تھا جہاں کئی روز زیرعلاج رہنے کے بعد انہیں ڈسچارج کیا گیا تھا۔ اب ایک بار پھر معروف کامیڈین کی طبیعت بگڑنے پر انہیں لاہور کے ایک نجی ہسپتال میں داخل کرادیا گیا۔