اخبارات کیلئے عید تعطیلات کا اعلان۔۔

 آل پاکستان نیوز پیپرز سوسائٹی کے سیکرٹری جنرل محمد اطہر قاضی نے اعلان کیا ہے کہ اے پی این ایس کی رکن مطبوعات عید الفطر کے موقع پرتعطیل کی وجہ سے دو دن شائع نہیں ہوں گی ، عید پیر31مارچ 2025ء ہو نے کی صورت میں منگل یکم اپریل اور بدھ2؍ اپریل کوصبح کے اخبارات شائع نہیں ہو نگے جبکہ پیر31مارچ اور منگل یکم اپریل کوشام کے اخبارات شائع نہیں ہو نگے تاہم اگر شام کے اخبارات چاہیں تو بدھ 02 اپریل 2025ء کواپنے ایڈیشن شائع کر سکتے ہیں۔ عیدمنگل یکم اپریل2025ء ہو نے کی صورت میں بدھ 2؍ اپریل اور جمعرات 3؍ اپریل کو صبح کے اخبارات شائع نہیں ہو نگے جبکہ منگل یکم اپریل اور بدھ 2؍ اپریل کو شام کے اخبارات شائع نہیں ہو نگے تاہم اگر شام کے اخبارات چاہیں تو جمعرات 3؍ اپریل 2025ء کو اپنے ایڈیشن شائع کرسکتے ہیں۔