بلوچستان یونین آف جرنلسٹس نے سی ٹی ڈی پولیس کی جانب سے صحافی ڈھاڈر پریس کلب کے فنانس سیکرٹری غلام فاروق کی اغواء نما گرفتاری کی مذمت کرتے ہوئے وزیراعلیٰ اور آئی جی پولیس سے مطالبہ کیا ہے کہ غلام فاروق کو رہا کیا جائے اگر اس نے کوئی جرم کیا ہے تو اسے قانون کے مطابق عدالت میں پیش کرکے کارروائی کی جائےبی یو جے کے صدر عرفان سعید جنرل سیکرٹری منظوراحمد ودیگرنےعہدیداروں نےمذمتی بیان میں کہاکہ غلام فاروق کے اہلخانہ نے بتایا ہے کہ سی ٹی ڈی پولیس کی ٹیم نے تین روز قبل ان کے گھر پر چھاپہ مارا چادر و چاردیواری کی پامالی کرتے ہوئے غلام فاروق کو اٹھاکر لے گئے جس کے بعد اس کا کچھ پتہ نہیں جوقابل مذمت ہے۔ ہم کسی بھی قسم کے جرم کی پشت پناہی نہیں کرتے تاہم قانون پر عملدرآمد کے خواہاں ہیں صحافیوں کے خلاف ماورائے عدالت کارروائیوں پر صوبے کے تمام صحافیوں میں تشویش کی لہر دوڑ گئی ہے ملکی اور بین الاقوامی سطح پر صحافیوں اور انسانی حقوق کی تنظیمیں سی ٹی ڈی کی کارروائی پر تشویش کا اظہار کررہی ہیں غلام فاروق کو منظر عام پر لاکر قانون کے مطابق کارروائی کی جائے تاکہ ملک اور صوبے کی بدنامی نہ ہو۔
