آفتاب اقبال کی خبر ہار ٹیم مسلسل آفٹرشاکس کا شکار ہے۔۔ ایک کے بعد ایک ٹیم کا پرانا رکن ساتھ چھوڑتا جارہا ہے۔۔ اظہر رنگیلا، اسدکیفی اور عکاشہ گل نے آفتاب اقبال کی ٹیم کو خیرباد کہہ دیا ہے۔۔ان میں سے اظہر رنگیلا تو آفتاب اقبال کے ساتھ بہت ہی پرانے تھے، لیکن اطلاعات ہیں کہ وہ آفتاب اقبال کو چھوڑ کر ہنی البیلا کے ساتھ پروگرام زبردست کریں گے، جو نیونیوز پر چلتا ہے۔۔ یہ بھی پتہ چلا ہے کہ اظہر رنگیلا کو آفتاب اقبال کے پروگرام سے ڈبل معاوضے کی آفر کی گئی تھی۔۔اطلاعات کے مطابق آفتاب اقبال سما پر اپنے پروگرام خبرہار کے لئے دوبارہ سے اچھی ٹیم بنانے کے چکر میں لگ گئے ہیں۔۔ اس بار وہ بی کلاس فنکاروں کو ڈھونڈ رہے ہیں تاکہ ان کے نخرے کم ہوں اور انہیں دبا کر بھی رکھا جائے۔۔ اس سلسلے میں تھیٹر کے معروف فنکار گوشی ٹو سے معاملات ڈن ہوگئے، مزید فنکاروں کی تلاش کا عمل جاری ہے۔۔آفتاب اقبال کی ٹیم کے ہر رکن کو بھاری معاوضوں کا لالچ دے کر توڑنے کی کوشش کی جاتی رہی ہے۔۔ ببو رانا سمیت مبین گبول ، وحید لالہ کو بھی کئی کئی بار آفرز کی گئیں لیکن وہ اب تک آفتاب اقبال کا ساتھ چھوڑنے پر تیار نہیں۔۔ اس سے پہلے تھیٹر کے دو نامور فنکاروں ناصرچنیوٹی اور ظفری خان نے اپنی مصروفیات کے باعث آفتاب اقبال کے پروگرام کرنے سے معذرت کی تھی لیکن موجودہ بحران میں کہاجارہا ہے کہ ظفری خان پھر سے پروگرام میں انٹری ماریں گے۔۔
