اداکار کو کاسمیٹک سرجری مہنگی پڑگئی۔۔

اداکار فیروز خان کا ایک انٹرویو کلپ وائرل ہے جس میں انہوں نے انکشاف کیا کہ رخساروں پر کاسمیٹک سرجری ان کو مہنگی پڑ گئی تھی۔اداکار کا کہنا تھا کہ انہیں ایک فلمی سین کیلئے پول میں عکسبندی کروانی تھی جس کیلئے انہوں نے ورزش کرکے اپنی باڈی بنائی لیکن اس سے ان کا چہرہ کافی سوکھ گیا۔فیروز خان نے بتایا کہ ایک ڈاکٹر کی تجویز پر انہوں نے رخساروں پر فلرز لگوائے لیکن اس نے ان کے چہرے کو مزید خراب کردیا۔اداکار کا کہنا تھا کہ وہ سرجری سے بہت زیادہ پریشان ہوگئے تھے اور بالآخر انہوں نے اس سے چھٹکارا حاصل کرلیا۔