اداکار عنایت خان نے پولیس کا شکریہ ادا کرتے ہوئے بتایا ہے کہ” انہیں لوٹنے والے ملزمان کو پولیس نے 9 دنوں میں ڈھونڈ نکالا ہے”۔تفصیلا ت کے مطابق گزشتہ دنوں اداکار عنایت خان نے اپنی انسٹاگرام سٹوری پر بتایا تھا کہ “انہیں کراچی کے پوش علاقے سے لوٹ لیا گیا ہے اداکار نے پولیس سےدرخواست کی تھی کہ” اسٹریٹ کرائمز پر قابو پائیں”۔عنایت خان کی جانب سے کی گئی پوسٹ وائرل ہونے کے بعد پولیس نے ایکشن لیتے ہوئے اداکار کو لوٹنے والے ملزمان کو ڈھونڈ نکالا ہے۔عنایت نے انسٹاسٹوری پر پولیس کا شکریہ ادا کرتے ہوئے لکھا کہ”سندھ پولیس، ایس ایچ او محمود آباد اور کراچی پولیس کے میڈیا سیل کا ملزمان کو پکڑنے کیلئے شکریہ آپ اور آپ کی ٹیم نے سخت محنت کر کے 9 دنوں میں ملزمان کو ڈھونڈ لیا، تمام سوشل میڈیا پیجز اور نیوز میڈیا کا بھی شکریہ جنہوں نے خبر شائع کر کے میری مدد کی”۔۔یاد رہے کہ کچھ روز قبل اداکار عنایت خان نے اپنی انسٹاسٹوری پر بتایا تھا کہ” انہیں چوتھی مرتبہ ڈاکوؤں نے لوٹ لیا ہے اور وہ اپنے موبائل فون سمیت دیگر قیمتی سامان سے محروم ہوگئے ہیں ان کی یہ پوسٹ سوشل میڈیا پر وائرل ہوگئی تھی۔
